【Am I a Shopaholic?】- 今日血拼戰績

蝴蝶膠拖鞋 @ $59

>> 啱晒近排落雨天~~

真皮電話袋 @ $150

>> 因為我的 N1 電話套唔見左，所以幫佢買番件新衫，仲可以揹住佢响身~ ^^

>> iPhone 都啱用架~~

今年好興既連身長裙+crop tee @ $70

好少見既湖水藍 legging @ $80

Eyebrow Mascara $59

Sana Hadanomy Collagen Mist @ $69

特點：啫喱狀的噴霧，內含濃潤骨膠原成份，經過微分子化處理，更易滲透肌膚底層。提升肌膚的彈力及水潤感，有如喝了水一樣飽滿。無論是沐浴洗面後、上妝前後都能瞬間補水。

用法：距離 15cm 左右直接噴於面部，之後用手輕輕按摩。

Our Magic Wedding Part 4 - 化妝師 Make Up Artist

Man Chan

化妝師這項目是我 Out Budget 最嚴重的。

不過，幸好我大日子找了她，我簡直覺得是物超所值。她被我稱為「隱形星級化妝師」、「神級化妝師」。就連我的男仔朋友都話佢係 "god skill"

我因為膚色偏黑，雙眼皮又唔 Balance，又容易出油，加上五月天舉行婚禮，所以，魚公公都很擔心我的化妝。而我就好著重髮型，因為好怕會整到我好成熟，尤其係著褂梳髮髻，同埋唔鍾意MUA只係鬢幾條辮，然後左搭右搭，冇乜造型....。

剛巧那段時間，他的同事又結婚，極推介 ah Man。我去過佢既網站睇，見到 d Hair-do又真係幾特別，同其他唔同，特別係褂髻，唔係就咁梳起就算，係有款的，所以好 like。未問佢價錢，就約左試妝。

試妝時佢好有心機做底妝，因為基本做得唔好，就好麻煩。不過，當得知佢既 package price 時，真的有 d 措所不及。我即刻打電話比老公商量，好彩佢都冇乜所謂，最緊要我靚嘛~ hahahaha

ah Man 果日6:00就同助手推住個好似 PA system 的黑箱黎到。因為我間房好細，放不下佢的化妝箱，所以我地就係飯廳開工。佢個箱其實係一張化妝枱 (but 佢因為太重拆左對枱腳唔要)，所以佢個箱就放左响食飯枱上。一打開，除左有化妝品同工具外，仲有有鏡、有燈，好似 cat-walk model 化妝的後台咁。

搞掂褂的造型後，而佢同助手仲好熟手、超快手咁幫我著褂。

未收到攝影師的照片，睇住朋友影果 d 先，遲 d 再補番~

婚紗行禮的造型，未收到攝影師相，冇正面比大家睇~~ e+ 睇住其他先~~

Cocktail 的造型 晚上外影的造型

多得佢地除左幫我換造型，還換埋婚紗、禮服，令到伴娘及姐妹，不用雞手鴨腳。仲有，佢熟伯大尼的環境，知道U 型房有門口可以出去，令我唔駛在教堂內行出去，準備 march-in。

我因為時間很趕，ah Man 平均 15-20分鐘就可以轉好另一個造型。

事後感想：我真係好慶幸找了她。之前冇特別對化妝師有要求。不過，諗番轉頭，big day 的化妝比影 pre-wedding 更加緊要。因為 pre-wedding 化得唔好，仲可以用後期補救，或者再影，但係 big day 就冇 take two 啦~而且咁攝影師又唔會大執 d 相，更重要係，當日有咁多親朋，佢地都會影你相，你個造型唔 okay 就係 okay....影左就係影左.....冇辦法補救架啦~~~所以 big day 化妝師真係好重要~~

唔知大家同唔同意啦~ ^^

生日大血拼 - Bourjois + Missha

今年生日，收到了 Bourjois Paris (不是卓悅啊~~~~) 及 Missha 的生日 Coupon，所以就大出血了。

首先，講吓 Bourjois 的優惠：

1. 送了 $50 Coupon，買滿 $100可用

2. 買滿 $288 ，送 Mascara

3. 雙倍印花

就係咁我買了：

Mineral Matte foundation

用了 BB Cream 幾年，覺得好好，不會太厚妝，所以好久都沒有買其他 Foundation。

今次買這個主要係因為有 Coupon ，而且佢係 Mineral Foundation。

而今日試用了，上完後，不用再上碎粉。感覺很好，很貼服，連毛孔都變得不明顯，但卻不會很厚，值得推薦。我買了 #83號。

Smoky Eyeliner

之前買了紫色，雖然是鉛筆的眼線筆，但卻容易上色，而且另一頭有掃，可以推開做眼影。覺得很好用，所以今次買了黑色 (因為MAC的Eyeliner 差不多用完了)。

Smoky Eyes Palette & Mini Blush

買了黑色+銀灰色的煙燻眼 Palette，因為一向對 Bourjois 的眼影很有信心（Tips: 沾上眼影後，再沾少少水，顏色會更Sharp）。以前都買了很多 Eye Shadow，但係太大盒，很難用得完，所以現在都買 Palette。然後因為差少少會多一個印花，所以買了盒 Mini Blush。

然後，就到 Missha 的生日禮物

1. 憑券貨品有九折

2. 生日禮物乙份

Eyebrow Pen Refill

用了 幾支 Missha 的眉筆，因為佢有 Dark Brown 顏色，而且幾容易上。之前不知道有 Refill 賣，多得 Sales 姐姐提醒，所以改買 Refill $100 > 4 支。

Makeup Remover & Pre-Makeup Moisturizer

Pre-Makeup Moisturizer 可以做妝前保濕，令壯容更持久、更貼服。第一次買，今天試了，感覺幾好，幾十蚊，值得一試。然後，Eye & lip Makeup Remover 都係幾十蚊，最好係可以落埋 Mascara。

最後，就係禮物喇！！　左：Missha 白色眼影，用黎做眼頭光影一流；右：Bourjois Mascara